Дводневниот регионален настан "Дигитален самит за Западен Балкан" денес, 18.4.2018 година, беше официјално отворен од Претседателот на Владата на Република Македонија, г-дин Зоран Заев. Фокусот на настанот е интензивирање на регионалната соработка за подобра дигитална иднина на Западен Балкан. На самитот присуствуваа, г-ѓа Марија Габриел, државниот секретар на Германското сојузно министерство за економски прашања и енергија, г-дин Томас Бареас и министерот за информатичко општество и администрација, Дамјан Манчевски, како и бројните владини претставници од земјите од регионот, претставниците на ЕУ, членовите на делегациите и тимовите од земјите спонзори на Берлинскиот процес. На самитот присуствуваа и пртставници од Универитетот за туризам и менаџмент во Скопје: проф. д-р Далиборка Блажеска, проф. д-р Симе Арсеновски, доц. д-р Благица Новковска и доц.д-р Љупка Наумовска.