Преку мултимедијалната интеракција, матурантите од средните училишта во Прилеп имаа можност да дознааат за предностите за студирање на факултетите на Универзитетот за туризам и менаџмент во Скопје. Академскиот тим од универзитетот во рамките на својата промотивна кампања пред матурантите во средните училишта во Прилеп, реализираше мултимедијална интерактивна презентација во: СОУ „Ристе Ристески Ричко“, СОУ „Ѓорче Петров Прилеп“ и СОУ „Орде Чопела“, СОУ „Мирче Ацев“ и СОУ „Кузман Јосифовски Питу“.

Матурантите со посебен интерес ги следеа професорите и асистентите кои со интеракција го привлекоа нивното внимание и да ги поттикнаа на размислување за соодветен избор на факултет кој ќе влијае во проекцијата на нивната иднина. Посебен интерес кај матурантите предизвика меѓународно признатата диплома, уникатната методологија и мерливоста на знаењата, апликативноста на теоријата во праксата, функционалноста на Центарот за кариера и Алумни клубот.

На презентацијата на идните академски граѓани им беше објаснета методологијата на работа на УТМС, начинот на студирање, наставните програми за секој факултет поединечно и условите за студирање.