Во рамките на промотивната кампања за упис на студенти во академската 2019-2020 година, академскиот тим од Универзитетот за туризам и менаџмент во Скопје ги презентираше предностите за студирање на УТМС пред матурантите во средните училишта во Битола, при што беа посетени гимназиите „Таки Даскало“ и „Јосип Броз-Тито“, како и економското училиште „Јане Сандански“.

Тимот од УТМС во состав: проф. д-р Сашко Граматниковски, доц. д-р Ана Секуловска Јовковска, м-р Јово Ратковиќ, м-р Горан Апостоловски, м-р Андреја Мачкиќ, м-р Гордана Серафимовиќ и м-р Маријана Радевска реализираа презентација на Универзитетот за туризам и менаџмент пред матурантите во овие битолски училишта.

Преку мултимедијалната интеракција, матурантите ги следеа предностите на студирање на факултетите на универзитетот. Посебен интерес кај матурантите предизвика меѓународно признатата диплома, уникатната методологија и мерливоста на знаењата, апликативноста на теоријата во праксата, функционалноста на Центарот за кариера и Алумни клубот.

Матурантите интерактивно учествуваа со особен интерес за студиските програми на факултетите, методологијата на студирање, активностите на Центарот за кариера, како и Еразмус+ програмата.