На свечена седница со одлука на Наставно-научните совети на факултетите на Универзитетот за туризам и менаџмент од Скопје им беа доделени декански пофалници на студентите кои покажале најголем успех и постигнати резулати во есенскиот семестар во академската 2015/2016 година.

Од триесет и една доделена деканска пофалница, со титулата Cum Laude (признание со пофалби и почести) се стекна студентот Милош Лазаревски со вкупен број на освоени поени 92,90, потоа со титулата Magna Cum Laude (признание со големи пофалби и почести) се стекна студентката Вероника Макарова, со вкупен број на поени 96,60, а со главната титула односно со титулата Summa Cum Laude (признание со најголеми пофалби и почести) како првенец со најголем успех и со најголем број на освоени поени 100 поени деканската пофалница и припадна на студентката Ана Анушка Ратковиќ.