Универзитетот за туризам и менаџмент од Скопје, во соработка со националното радио, Радио Слободна Македонија, на 13.03.2016 година ја емитуваше педесет и четвртата емисија од серијалот емисии посветени на убавините и туризмот во Република Македонија.

Емисијата насловена како "Туристички витраж" се емитува секоја недела со почеток од 13 до 14 часот на брановите на Радио Слободна Македонија. Оваа недела, професорите и асистентите од Универзитетот за туризам и менаџмент, Проф.д-р Александра Стоилковска, Доц. д-р Зоран Стрезовски и Асс. м-р Гордана Серафимовиќ, како водител ја посветија на темата „Крадците на време, односно за начините за справување со истите“.

Во првиот дел од емисијата стана збор елаборација за таканречените крадци на време, кои се иницирани од луѓето, односно неправилна организација, одложување на извршувањето на активностите, социјална интеракција, прифаќање, перфекционизам и одбегнување на ризик. Додека вториот дел се говореше за крадците иницирани од средината, како што се непотребните телефонски разговори, состаноците без дневен ред, деловните патувања, користењето на интернетот за лични потреби и непланираните посети.