Универзитетот за туризам и менаџмент од Скопје, во соработка со националното радио, Радио Слободна Македонија, на 10.04.2016 година ја емитуваше педесет и осмата емисија од серијалот емисии посветени на убавините и туризмот во Република Македонија.

Емисијата насловена како "Туристички витраж" се емитува секоја недела со почеток од 13 до 14 часот на брановите на Радио Слободна Македонија. Оваа недела, професорите и асистентите од Универзитетот за туризам и менаџмент, емисијата ја посветија на темата „Интерактивните глобални настани во функција на подобрување на Македонската туристичка и бизнис клима“.

Имено, Асс. м-р Владанка Давковска како уредник и водител, заедно со нејзините колешки Доц. д-р Валентина Палевска-Муцунска и Др. Љупка Наумовска говореа за тоа што претставуваат настаните од апсект на бизнис и маркетинг разбирање, потоа за новините кај настаните како форма на стратешка комуникациска алатка и секако за владиниот проект „Invest in Macedonia“, кој преставува одличен пример за позиционирање на глобална мапа преку низа на инерактивни настани.