Согласно годишната програма за работа на библиотеката на Универзитетот за туризам и менаџмент од Скопје, на 04.05.2016 година во амфитеатарот на УТМС беше промовиран романот „Грст љубов“ од авторот Стојан Арсиќ.

На промоцијата на која присуствуваа над 140 гости, пригодна реч за ова литературно дело даде рецензентката г-ѓа Славка Арсова, додека извадоци од романот читаше водителката Ирена Спировска.

Воедно, промоцијата беше одбележана и со останата пригодна програма која вклучуваше драмска изведба на парче од романот од страна на г-дин Тони Денковски, како и музичка точка во изведба на г-дин Борче Наумовски.

На крајот од промоцијата свое обраќање имаше и авторот на романот, г-дин Стојан Арсиќ.