Во насока на продолжување на соработката на УТМС со меѓународниот бизнис сектор, на 7-ми Февруари 2017 година Универзитетот за туризам и менаџмент Скопје го посети делегација од групацијата ECO Hotels од Шпанија. Делегацијата ја предводеше еден од соптвениците на оваа групација хотели, г-дин. Marc Coll, придружен од Nikola Bodic, менаџер во истата. Групацијата поседува 7 хотели и сите се лоцирани на Barcelona Coast, во местата Malagrat de Mar I Calella во Шпанија. За време на посетата на почеток во ВИП салонот се одржа тематски состанок помеѓу гостите од Шпанија и претставници од Факултетот за туризам, предводен од деканот проф. д-р Сашко Граматниковски, во придружба од асс. м-р Владанка Давковска и асс. м-р Горан Апостоловски. Во 12:00 часот гостите имаа презентација на сите хотелски капацитети на компанијата при што посебно ги претставија условите за пристап, избор и реализирање на платена студентска пракса, за заинтересираните студенти. Како завршна активност на оваа работна посета, претставниците од ECO Hotels изведоа интревју со 22 студенти од УТМС кои пројавија интерес за учество на претставениот проект- платена студентска пракса. Следуваат фазни активности во насока на оперативно реализирање на проектот.