Тим од Универзитетот за туризам и менаџмент-Скопје со промотивни активности беше дел од МАССУМ, Образовното рандеву кое се одржа во СЕПУГС „Васил Антевски Дрен” во Скопје. На овој настан активно учество земаа средношколци од средните училишта во Р. Македонија кои имаа можност да ги претстават стекнатите знаења, способности и вештини за личните вредности, подготвеноста за светот на конкуренцијата преку лидерство, практична работа и учење. Промоцијата на УТМС беше реализирана преку мултимедијална презентација и директна комуникација со учениците кои покажаа особен интерес за методологијата на студирање, работата на Центарот за кариера кој активно ги подготвува студентите за вработување и градење на професионална кариера, како и организирањето на практичната настава во реномирани компании во Р. Македонија и во странство. Дел од матурантите кои учествуваа на настанот аплицираа за упис и станаа дел од УТМС.