Универзитетот за туризам и менаџмент во Скопје како коорганизатор и домаќин на манифестацијата „Образовно рандеву 2018” по завршување на официјалните натпревари во 18 категории на победниците им додели награди. Свечената церемонија на доделување се одржа во амфитеатарот на Универзитетот за туризам и менаџмент во Скопје. На најдобрите креативци и нивните ментори наградите и сертификатите им ги врачија проректорот за настава на УТМС, проф. д-р Мијалче Ѓеоргиевски, претседателот на Управниот одбор на МАССУМ г-дин Благојче Ѓорчевски и претставник од ОБСЕ. На учениците кои освоија прво место Универзитетот за туризам и менаџмент во Скопје им додели ваучери за студии. На сите учесници на натпреварите им беа доделени сертификати за учество.