Студентите од Универзитет Скопје реализираа едукативна посета на фабриката Кожувчанка и брендот Синалко, каде имаа можност одблиску да се запознаат со производствениот процес, организацијата на работата и современите стандарди во индустријата. Во рамки на студиската посета, студентите го посетија и Винскиот музеј во Кавадарци, каде се запознаа со богатата традиција на лозарството и винарството во регионот

Делегацијата на Универзитет Скопје оствари и официјална средба со градоначалникот Митко Јанчев. На средбата се разговараше за можностите за соработка помеѓу Универзитетот и локалната самоуправа, како и за поддршка на младите и нивниот професионален развој.