Ракометната јавност во земјава, но и на Балканот ќе биде насочена кон Скопје, бидејќи во среда ќе се одигра натпреварот „Легендите на сцена“. Станува збор за ревијален натпревар на кој учество ќе земат македонски легенди, но и легендите од Европа.

Универзитет Скопје го подржува овој спортски настан и денеска беше домаќин на прес конференцијата на спортските легенди.

Тони Митев, првиот човек на „Спортското радио 90,3“, кое го организира натпреварот во чест на својата 20 годишнина од постоењето најави дека натпреварот меѓу македонските и европските легенди ќе се одигра во СЦ „Јане Сандански“ во среда од 19:00 часот.