Повеќе од 1.500 учесници од 45 средни стручни училишта учествуваа на 19. Образовно рандеву 2024, кое се одржа на 10 мај во СОУ „Коста Сусинов" во Радовиш со поддршка од Општината.

И оваа година, традиционално, Универзитетот Скопје го поддржа настанот што од 2006 година редовно го организира Младинската асоцијација на средните стручни училишта во Македонија – МАССУМ за да ги поттикне лидерството и претприемништвото кај младите. Образовното рандеву на Асоцијацијата е посетувано од илјадници ученици-средношколци и гости, а на настанот, средните стручни училишта од целата држава се натпреваруваат во многубројни дисциплини: интервју за работа, јавно говорење, маркетинг план, модна ревија, најдобар штанд, најдобра поетска творба, најдобар постер, најдобра драмска претстава, најдобра видео реклама, најдобра веб страна, најдобро кариерно портфолио, најдобар бенд, најдобар филм, најдобра фотографија, серва, стритбол и пинг-понг.

Годинава, на присутните тополо добредојде и успех во натпреварите им посакаа и градоначалникот на Радовиш, г-н Ацо Ристов, а делегација на Универзитетот Скопје како покровител на настанот оствари и работна средба со него. Академскиот кадар на Универзитетот зеде активна улога во комисиите на натпреварите. Преку Фондацијата „Проф. д-р Љубе Миленковски“ беа доделени вкупно 13 стипендии за студирање на нашиот Универзитет за средношколците-победници во различни категории.

Универзитетот Скопје е партнер на младите! Како општествено одговорна образовна институција, се грижиме секој ученик во нашата татковина што сака да се надградува, да добие шанса за квалитетно високо образование и да придонесе Македонија да стане подобро место за живеење!  

Раните уписи на нашиот Универзитет се во тек!

СПИСОК НА ДОБИТНИЦИ НА СТИПЕНДИИ НА ОБРАЗОВНОТО РАНДЕВУ 2024