Нашите колеги од тимот за маркетинг неуморно ги обиколуваа средните училишта низ градови од цела Македонија презентирајќи им ги на матурантите одличните услови за студирање на Универзитетот Скопје. Нашите домаќини беа воодушевени од непосредниот пристап на своите идни професори, ментори, поддршка при студирањето: доц. д-р Ангела Миленковска-Климоска, доц. д-р Дејан Недев, м-р Љупчо Миленковски, м-р Роберто Миленков, м-р Билјана Проеска, Сузана Мурџева и Љупчо Ристески. Слушнаа зошто сме најдобра високообразовна установа што нуди високостручни професионализирани студии и која нуди диплома признаена секаде во светот. Многумина нѐ рангираа како прва опција при изборот на студиите.
На Матурантката Ива Зарева од Кратово особено ѝ се допадна можноста да учествува во некоја од мобилностите на програмите Еразмус + и да престојува во некој од нашите партнерски универзитети во Европа. Ни изјави: „Еразмус + е најдоброто што може да му се случи на секој млад човек“!
Слушнете ја Ива и разгледајте ја галеријата на фотографии од нашите посети.
Распрашај се кога ќе бидеме и во твоето училиште!
Патувај и учи од најдобрите, дома и во Европа! Запиши се на Универзитет Скопје!
Остварени посети во изминатите десет дена:
1 април 2024 година, Крушево и Прилеп: Ги посетивме средните училишта СОУ „Наум Наумовски-Борче“ во Крушево и СОУ,, Кузман Јосифоски Питу“ и СОУ ,,Ристе Ристески-Ричко“ во Прилеп.
https://utms.edu.mk/vesti/opsti/2557-studentskiot-karavan-na-univerzitetot-skopje-neumoren-i-vo-izminatite-denovi#sigProId047e577b78
27 март 2024 година, Кавадарци: Наши домаќини беа матурантите од средните училишта СОУ Гимназија ,,Добри Даскалов“ и СОЗШУ ,,Ѓорче Петров“.
https://utms.edu.mk/vesti/opsti/2557-studentskiot-karavan-na-univerzitetot-skopje-neumoren-i-vo-izminatite-denovi#sigProIdd5f317fae9
26 март 2024 година, Свети Николе: Ги посетивме средните училишта СОУ ,,Кочо Рацин“, СОУ ,,Славчо Стојменски“, СОУ ,,Димитар Мирасчиев“ и СОУ ,,Коле Нехтени“.
https://utms.edu.mk/vesti/opsti/2557-studentskiot-karavan-na-univerzitetot-skopje-neumoren-i-vo-izminatite-denovi#sigProId4da2a174af
25 март 2024 година, Кратово и Пробиштип: Наши домаќини беа матурантите од СОУ ,,Митко Пенџуклиски“ во Кратово и СОУ,, Наум Наумовски Борче“ во Пробиштип.
https://utms.edu.mk/vesti/opsti/2557-studentskiot-karavan-na-univerzitetot-skopje-neumoren-i-vo-izminatite-denovi#sigProId1407592e4d
21 март 2024 година, Делчево и Берово: Топло добредојде ни посакаа матурантите од средното училиште СОУ ,,Методи Митевски-Брицо“ во Делчево и ОСУ ,,Ацо Русковски“ во Берово.
https://utms.edu.mk/vesti/opsti/2557-studentskiot-karavan-na-univerzitetot-skopje-neumoren-i-vo-izminatite-denovi#sigProId3e39aa58e3
Голема благодарност до сите наши домаќини за гостопримството и интересот за нашите презентации! Ве очекуваме кај нас во следната академска година како наши студенти!