Дедо Мраз не нѐ заборави и овие новогодишни празници. На своите снежни санки, преку небесните патишта познати само нему, ни пристигна да ни донесе подароци за децата на вработените и на пријателите на Универзитетот Скопје. Ни подготвил пакетчиња полни со слатки изненадувања за најмалите од нашето големо семејство, за да растат безгрижно, со многу насмевки и радост во Новата 2024 година. Со подароци во рацете, среќни и весели, се дружевме со Дедо Мраз! Дедо Мраз традиционално пристигнува кај нас секоја година благодарение на раководството на Универзитетот Скопје, за да ги израдува децата на вработените и на нашите пријатели, зашто се грижиме за благосостојбата на сите членови на нашето големо семејство! Драги деца, Среќно детство и исполнување на сите ваши детски соништа во Новата 2024 година ви посакуваат вашите родители и сите вработени на Универзитетот Скопје! Среќна Нова 2024 година!