Нашите студенти од Факултет за туризам при Универзитет Скопје, од 14- 18 ноември 2023,  учествуваа на интернационалниот натпревар по гастрономија во Анталија, Р. Турција.

Популарниот „Gastro Antalya- international gastronomy and kitchen meeting“ и оваа година беше отворен од градоначалникот на Анталија, г- дин Мухитин Бечек.На првиот ден од овој гастро натпревар  во конкуренција од 25 држави, во категорија Паста, Диана Петковиќ се закити со сребрен медал, а Бојана Богоеска и Виктор Арсоски се закитија  со 2 бронзени медали.

На вториот ден од гастро натпреварот, во категорија Пилешко повторно Диана Петковиќ се закити со сребрен медал, а Бојана Богоеска и Виктор Арсоски се закитија  со  бронзени медали. Виктор, Бојана и Диана, на вториот ден од ,,Gastro Antalya,, готвеа заедно со најдобрите светски  готвачи Емил Алијев од Азербеџан, Ралф  Мененгини од Германија, како и Даниела Пантич Влахович од Србија.

Привилегија и чест беше да се биде под будното око на мастер шефовите Ралф, Даниела и Емил. Гореименуваните , во март 2024 година ќе бидат гости на Универзитет Скопје.

Ректорот Миленковски им се заблагодари за трудот кој го вложија и  им посака успех на следниот гастро натпревар во декември во Истанбул. 

„Универзитет Скопје  се гордее  со вашиот постигнат успех, а резултатите се доказ за нашата посветеност и напорна работа, ви посакувам успех на следниот натпревар“ - порача Ректорот Миленковски.