И оваа година, традиционално, Универзитетот Скопје го поддржа Образовното рандеву на Младинската асоцијација на средните стручни училишта во Македонија – МАССУМ, кое се одржува секоја година од 2006 наваму во поддршка на развојот на лидерството кај младите. Образовното рандеву на Асоцијацијата е редовно посетувано од илјадници ученици-средношколци и гости, а на настанот, средните стручни училишта од целата држава се натпреваруваат во многубројни дисциплини: интервју за работа, јавно говорење, маркетинг план, модна ревија, најдобар штанд, најдобра поетска творба, најдобар постер, најдобра драмска претстава, најдобра видео реклама, најдобра веб страна, најдобро кариерно портфолио, најдобар бенд, најдобар филм, најдобра фотографија, серва, стритбол и пинг-понг.

Годинава, домаќини на натпреварите на Образовното рандеву, кое се одржа на 5. и 6. мај во Гостивар, беа две средни училишта од градот. Штандовите на училиштата беа поставени на кејот на Вардар, спортските активности се одржуваат во салата „Младост“, а модната ревија и театарските претстави во Центарот за култура „АСНОМ“. На присутните тополо добредојде и успех во натпреварите им посакаа и градоначалникот на Гостивар, Арбен Таравари, како и министерот за образование и наука,  Јетон Шаќири.

Министерот Шаќири го посети и штандот на нашиот Универзитет на оваа активност на МАССУМ, која ја поддржавме со активно учество во комисиите на натпреварите на Образовното рандеву и со награди за најдобрите.  Доделивме 13 целосни стипендии преку Фондацијата „Проф. д-р Љубе Миленковски“ за студирање на нашиот Универзитет за средношколците-победници во различни категории.

Универзитетот Скопје е партнер на младите! Како општествено одговорна образовна институција, се грижиме секој ученик во нашата татковина што сака да се надградува, да добие шанса за квалитетно високо образование и да придонесе Македонија да стане подобро место за живеење!  

Раните уписи на нашиот Универзитет се во тек! Запиши се и ти уште во месец мај и студирај по промотивни цени со 50% попуст!