Денес во посета на Универзитетот Скопје беа професори и ученици од средни училишта од Турција и од Романија учесници во програмите на Еразмус, кои се гости на приватното средно училиште Саба од Македонија. На нашите гости, им ги претставивме неоткриените убавини на Македонија како туристичка дестинација, разговаравме со нив зошто е важно да се избере вистинската професија во животот и им го претставивме нашиот универзитет како можна образовна дестинација.

Универзитетот Скопје особено се издвојува во однос на другите високообразовни институции во државата по својата иновативност, флексибилност и приспособливост кон потребите на студентите, уникатни студиски програми и по својата методологија на работа. Најважно од сѐ, на нашиот Универзитет, тоа што сѐ учи во предавалната, се практикува и во реални деловни околности за време на студиите: во активности на самиот универзитет, при практичната работа кај нашите бизнис-партнери или на наставно-научните практикуми што се задолжителен дел од секоја наша студиска програма. Студентите учат низ практична работа од врвни професионалци, флексибилни и секогаш достапни за студентите, па затоа се посакувани и барани од работодавците во Македонија, но и во светот!