Од денеска, тимот на Универзитетот за туризам и менаџмент во Скопје тргна во посета на средните училишта низ државата, со презентација за можностите и за условите за студирање на нашиот Универзитет. Денес бевме во Велес, во посета на средношколците од ОСУ „Јовче Тесличков“, СОУ „Гиманзија Кочо Рацин“, ССОУ „Димитрија Чуповски“ и ССОУ „Коле Неделковски“.

Идните академски граѓани на државата беа особено заинтересирани за можностите за патување што ги нуди Универзитетот за време на студирањето. Имено, во рамките на студиските програми, УТМС организира наставно-научни практикуми со посета на најпознатите туристички саеми во регионот. Преку овие патувања, студентите стекнуваат практични искуства и знаења за областа што ја студираат, а кои ќе им помогнат полесно да се вклопат и да станат продуктивни на идните работни места.

Учите и патувајте со нас! Ве очекуваме од октомври да им се придружите на најдобрите!