И овие новогодишни празници, Дедо Мраз не нѐ заборави. На своите снежни санки, преку небесните патишта познати само нему, ни пристигна да ни донесе подароци за децата на вработените на Универзитетот за туризам и менаџмент. Ни подготвил пакетчиња полни со слатки изненадувања за најмалите од нашето големо семејство, за да растат безгрижно, со многу насмевки и радост во Новата 2023 година. Со подароци во рацете и со насмевки на лицата, среќни и весели, се дружевме денеска со Дедо Мраз и со неговите пријатели во просториите на нашиот Универзитет!

Дедо Мраз традиционално пристигнува кај нас секоја година благодарение на раководството на Универзитетот за туризам и менаџмент, за да им додели пакетчиња на децата на вработените, зашто се грижиме за нив и за нивната благосостојба.
Драги деца,

Среќно детство и исполнување на сите детски соништа во Новата 2023 година ви посакуваат вашите родители и сите вработени на Универзитетот за туризам и менаџмент во Скопје!

Среќна Нова година!