Универзитетот за туризам и менаџмент денес го исполни детска смеа од дечињата од International Playschool of Skopje. Посетата е по повод нивната разработка на темата учиме за континенти, со патување може да посетиме различни дестинации и да запознаеме различни култури.

Децата, кои се на 4-годишна возраст, го разгледаа целиот Универзитет – од предавалните, амфитеатарот, универзитетската библиотеката и, секако, кабинетот на ректорот, во кој беа топло пречекани. На заминување, ги испративме со подарок. Се надеваме дека лед-глобусот што го доби секое дете, ќе свети секоја вечер и ќе ги развива нивните фантазии и желби за учење и патување на различни дестинации во светот.