Доротеа Боцевска е студентка по информатика на Универзитетот за туризам и менаџмент во Скопје. Но, Доротеа не е обична студентка – таа е млад човек што вредно и посветено работи на остварувањето на својот сон да работи во некоја од светските вселенските агенции, Европската или НАСА. Верува дека сето она што може да се сонува, може и да се оствари.

На својот пат до остварување на сонот, Доротеа е единствената студентка пилот во Македонија и вредно работи да добие лиценца за управување со летала. Авионите ја возбудувале од самото детство, кога нивниот звук магично ја привлекувале да го впери својот пглед нагоре кон небото за да им се восхитува на нивниот лет. Уште оттогаш посакувала еден ден таа да управува со тие небесни чуда. Таа денеска лета.

Сонот на Доротеа е да работи во вселенска агенција. Факултет во сферата на техничките науки е еден од неопходните чекори што таа мора да ги направи доттаму. Токму затоа Доротеа избра да студира информатика кај нас. А контактите со НАСА се веќе воспоставени. Доротеа во 2019 година изработи модел на сателит што го презентираше токму во НАСА.

Вели дека во животот, покрај вербата во сонот, многу ѝ е важна и поддршката што ја добива од најблиските, пред сѐ од својата мајка, но и од своите пријатели. Универзитетот за туризам и менаџмент е еден од тие што веруваат во неа и цврсто стојат до неа во секој чекор до остварувањето на нејзиниот сон.

Ако верувате и вие во вашиот сон, запишете се на студии кај нас! Ние ќе застанеме до вас и ќе ви понудиме сесрдечна поддршка на патот кон вашиот успех.

Уписите се во тек, можете да апплицирате веднаш онлајн на: https://www.utms.edu.mk/upisi/online-upis