Општина Берово е ушта една од општините со која УТМС потпиша меморандум за взаемна соработка во областа на науката и образованието. На денешната средба во кабинетот на градоначалникот на Берово - Звонко Пекевски, Ректорот на Универзитетот за туризам и менаџмент, проф. д-р Аце Миленковски преку Фондацијата за стипендирање „проф. д-р Љубе Миленковски“ додели петнаесет стипендии за идните студенти од оваа општина, кои од наредната година, своето образование ќе го продолжат на Универзитетот за туризам и менаџмент - Скопје.