Ректорот на Универзитетот за туризмот и менаџмент Скопје, проф. д-р Аце Миленковски и Градоначалникот на Oпштина Бутел, Дарко Костовски во просториите на општината потпишаа Меморандум за соработка.

Со овој меморандум меѓу општината и УТМС ќе се организираат разни активности и проекти од областа на образованието и науката, со кои ќе се придонесе за подигање на квалитетот на образованието во Општина Бутел.

Соработка започнува со доделување на петнаесет стипендии за упис на додипломски студии за младите од Општина Бутел во академската 2022/2023 година.

Градоначалникот Костовски упати благодарност до Ректорот Миленковски за покажаниот интерес и понатаму да инвестира и допринесува во општината во која и тој самиот бил градоначалник и во која живее. Заедничката визија и мисија за модерна, урбана и општина во која квалитетното образование треба да е темел за понатамошен успех, со оваа соработка со сигурност ќе вроди квалитетни проекти, кои ќе дадат придонес во современиот развој на Бутел.