На 04-ти Ноември 2021 година на УТМС се одржа свечена промоција на дипломирани студенти на прв циклус студии и магистранти на втор циклус студии од Факултетот за менаџмент на човечки ресурси.

На свечената промоција обраќање имаше деканот на Факултетот за менаџмент на човечки ресурси, проф. д-р Александра Стоилковска.

Деканката во својот говор кон дипломираните и магистрираните студенти се обрати со искрени честитки за врвните резултати што ги постигнале за време на студиите. Во обраќањето посебно ја потенцираше подготвеноста на дипломците и магистрите за идни иноватори, кометентни менаџери, влијателни лидери и проактивни стратези. Во тој контекст ја истакна нивната посветеност, упорност и истрајност до целта како признаци кои ќе придонесат за градење на нивните успешни професионални кариери.

Универзитетот за туризам и менаџмент во Скопје е синоним на упорност! Како резултат на таа упорност денес се промовираше тринаесеттата генерација дипломирани студенти и дванаесеттата генерација на магистри.