На 03-ти Ноември 2021 година на УТМС се одржа свечена промоција на тринаесеттата генерација дипломирани студенти на прв циклус студии и дванаесеттата генерација магистранти на втор циклус студии. Доделувањето на дипломите се одржа во Амфитеатарот на УТМС со почитување на Протоколот за работа во услови на Covid-19 пандемијата.

На свечената промоција обраќање имаше деканот на Факултетот за туризам, доц. д-р Сашко Граматниковски кој упати искрени честитки за постигнатите успеси до дипломците и магистрантите и им посака успешна деловна кариера.

Дипломираните и магистрираните студенти дадоа свечена заклетва пред деканот на Факултетот за туризам, доц. д-р Сашко Граматниковски, деканот на Економски факултет, проф. д-р Сашо Кожухаров, деканот на Факултетот за меѓународен маркетинг менаџмент, проф. д-р Далиборка Блажеска и пред деканот на Факултетот за претприемачки бизнис, проф. д-р Наташа Ристовска.

Со дадената заклетва дипломираните и магистрираните студенти потврдија дека ги прифаќаат правата и обврските на академски образовани граѓани кои им припаѓаат со чинот на добивање на нивните дипломи.