Во рамките на перманентната соработка на Универзитетот за туризам и менаџмент со средните училишта, матурантите од СУГС „Георги Димитров” во Скопје имаа можност да следат предавање од деканот на Економскиот факултет, проф. д-р Сашо Кожухаров по предметот Менаџерска економија. Предавањето се реализира со примена на интерактивна настава во која матурантите имаа можност да ги презентираат своите мислења и ставови во однос на современите економски трендови. Експертското предавање на проф. д-р Сашо Кожухаров беше фокусирано на предизвиците со кои се соочуваат економиите на глобално и регионално ниво. Во тој контекст беа дискутирани и едукативните перспективи во услови на турбулентно бизнис опкружување.