На 23-ти и 24-ти февруари 2021 година на УТМС се одржa свечена промоција на десеттата генерација магистрирани студенти на втор циклус студии. Доделувањето на дипломите се одржа во Амфитеатарот на УТМС со почитување на Протоколот за работа во услови на Covid-19 пандемијата.

На свечената промоција обраќање имаа деканите на Факултетот за туризам, Факултетот за меѓународен маркетинг менаџмент, Факултетот за преприемачки бизнис, Факултетот за менаџмент на човечки ресурси и Економскиот факултет кои од срце им честитаа на магистрите и им посакаа понатамошни професионални успеси.

Магистрираните студенти дадоа свечена заклетва пред деканите дека ги прифаќаат правата и обврските на академски образовани граѓани кои им припаѓаат со чинот на добивање на нивните дипломи.