Една од најсилните страни на Универзитетот за туризам и менаџмент во Скопје е меѓународната соработка и токму во тој правец, ректорот на Универзитетот за туризам и менаџмент – Скопје, проф. д-р Аце Миленковски потпиша договор за соработка со проректорот за меѓународна соработка на универзитетот „Dąbrowa Górnicza” од Полска, проф. д-р Рафал Ребилас.
На средбата која се одржа на УТМС, двете страни се согласија дека двете земји и двата универзитета имаат многу заеднички интерести, се договорија за соработка во областа на научно-истражувачката и едукативната дејност, размена на академски кадар, размена на студенти, заедничка организација на научни конференции како и развој на меѓународни проекти во интерес на квалитетни и диверзифицирано образование.