Во организација на Факултетот за менаџмент на човечки ресурси и Центарот за кариера на УТМС, а во рамките на политиката и програмата за општествена одговорност, на 18-ти Октомври 2019 година во Солун се одржа обука под наслов „Организациските вештини на директорот во функција на зголемена ефикасност на училиштето“.

Обуката се реализираше под покровителство на Фондот „Проф. д-р Љубе Миленковски“. Во рамките на своите општествено одговорни активности Фондот е покровител на обуки во функција на унапредување на компетенциите на образовниот кадар од сите структури во воспитно-образовните институции во Република Северна Македонија.

Целна група на обуката беа директорите од средните училишта во Република Северна Македонија и унапредување на нивните организациски компетенции во прецесот на менаџирање на училиштата и зголемување на ефикасноста.

Обуката ја отвори Деканот на Факултетот за менаџмент на човечки ресурси и раководител на последипломските студии на Универзитетот за туризам и менаџмент во Скопје, проф. д-р Александра Стоилковска која им посака на присутните топло добредојде и преку интерактивност во своите предавања ги запозна со различните методите за разрешување конфликти во организациите. Во обуката учество зеде и Деканот на Факултетот за претприемачки бизнис, проф. д-р Наташа Ристовска каде преку практични вежби во групи ги презентираше неопходните вештини за тимска работа на вработените во насока на зголемување на ефикасноста на организацијата. Деканот на Факултетот за туризам доц. д-р Сашко Граматниковски елаборираше за важноста на деловната комуникација во организациите и вештините за презентирање на директорите при управувањето.
По завршувањето на обуката на учесниците им беа доделени сертификати.