Во рамките на политиките на Универзитетот за туризам и менаџмент во Скопје за поддршка на матурантите за професионална ориентација на 10.05.2019 година ќе учествива во Програмата Ученички Компании на организацијата Џуниор Ачивмент Македонија. Во рамките на оваа програма учениците учат како бизнис идејата да ја преточат од концепт во стварност. Програмата овозможува на учениците да бидат вклучени во развој и раководење на сопствена компанија со виртуелни или вистински производи или услуги, како и да управуваат со заработените пари за времетраење на нивното средно образование. Програмата се засновува на принципот учење преку работа - учениците преку наставната програма, под надзор на обучени професори - ментори, креираат компанија, ја развиваат и затвораат за време на една училишна година.