Универзитет за Туризам и Менаџмент од Скопје оваа недела беше дел од националната кампања за здрава исхрана, што се реализира по водство на познатиот шеф и гастроном Влатко Огненовски. Завршетокот на дводневното дружење се случи вчера 21.10.2015 година во Центарот за комуникации и информации на УТМС што се наоѓа на улица “Македонија“, каде студентите, но и сите присутни имаа можност да гледаат во живо како се подготвува здрава храна.

Целта на овој проект е интегрирање на теоретското учење што студентите на УТМС го стекнуваат во текот на наставата со практични проекти. Студентите на УТМС и Шеф Огненовски преку овој проект заеднички испратија порака за поттикнување на примена на здрав начин на исхрана во секојдневниот живот.