Студентите од трета година на Факултетот за односи со јавноста при Универзитетот за туризам и менаџмент од Скопје, заедно со асистенките м-р Магдалена Андоновска и м-р Ангела Миленковска, на 06.11.2015 година, имаа можност да го посетат „Сити радио“.

Посетата на ова радио од страна на УТМС се случува како резултат на воспоставената практика на овој Универзитет, студентите да можат и лично да се запознаат со начинот на работа на радиото, која, пак е дел од наставната програма по предметите „Менаџмент на масовни медиуми“ и „Изучување на медиумите“.

Студентите од УТМС при посетата на радио станицата „Сити“, од вработените имаа можност да дознаат на кој принцип функционира ова градско комерцијално радио, кое на листата котира на првото место, како најслушано радио во Скопје, потоа за начинот на кој се избираат темите за кои ќе се дискутира во утринските и контактните емисии во текот на денот, но и за тоа како се станува радиска ѕвезда, и што е уште поважно како се одржува овој статус.

Во текот на прошетката низ „Сити радио“, студентите од УТМС ги посетија и студијата каде се снимаат рекламите, потоа студијата каде во живо се емитува програмата, при што со водителката Цаци и Марга имаа можност да разговараат за тоа што значи професијата радио-водител, колку е таа целисходна, напорна, но и восхитувачка.

Истовремено, беа дел и од попладневната програма на „Сити“ радио и разговаараа со со лицата задолжени за емитување на музичките нумери, и ДЏ-ите.

Посетата на радиото кај студентите предизвика восхит, но и желба еден ден да бидат дел од оваа радио станица.