Почитувани студенти, идни колеги,

Денес го прославуваме Меѓународниот ден на студентите. Најголемиот студентски празник. Ден кој постои за вас, и на кој еднакво како и сите пред вас, и вие со вашата младост и полетност го оживувате духот на студентското движење, ја развивате вашата слободна мисла и се борите за вашето слободно место под сонцето.

Не постои силно демократско општество без силна студентска младина. Вие сте иднината на оваа земја и идниот стожер во Република Македонија.

Иако вашата бунтовност напати делува хаотично, сепак таа е одраз на вашите години и уште повеќе на вашата смелост да се обидете да ги промените нештата, кои сметате дека и припаѓаат само на вашата генерација.

Токму затоа вашето мислење на Универзитетот за туризам и менаџмент се зема сериозно в предвид. Затоа што знаеме дека вие сте иднината или промената што следува во светот.

УТМС стои зад вас. Ве следи во секој чекор. Ви помага и ве подучува, затоа што знае дека вие сте идните лидери во светот.

Нека ви е честит Меѓународнитот ден драги мои колеги.

Со почит

Ректор на Универзитет за туризам и менаџмент од Скопје
Проф. д-р Аце Миленковски