Универзитетот за туризам и менаџмент во рамките на пролетната кампања која се одвива низ средните училишта ширум Република Македонија, практикува да прави и презентации во значајни компании, чии вработени имаат потреба да го дооформат или, пак, надградат своето образование.

Таков пример е А.Д.“Македонски Пошти“, каде тим презентери од УТМС на 03.02.2016 година направи презентација на Универзитетот пред вработените во оваа компанија.

Тим од УТМС во состав Доц. д-р Нашата Ристовска, Доц. д-р Далиборка Блажеска, Доц.д-р Сашко Граматниковски, Асс. м-р Јово Ратковиќ, Асс. м-р Андреја Мачкиќ, Асс. м-р Дејан Наковски и Асс. м-р Горан Апостоловски, направија презентација на УТМС пред вработените на А.Д. „Македониски пошти“ од Прилеп, на која присуствуваа десет вработени.

На презентацијата на вработените во оваа компанија им беше објаснета методологијата на работа на оваа високообразовна институција, начинот на студирање, условите и секако наставните програми на петте факултети кои функционираат во рамките на УТМС.

Вработените во А.Д.“Македонски пошти“, беа заинтересирани за начинот на студирање и особено за програмата и методологијата на работа врз основа на која работи Универзитетот за туризам и менаџмент од Скопје.