Факултетот за меѓународен маркетинг менаџмент кој функционира во состав на Универзитетот за туризам и менаџмент-Скопје во рамките на своите едукативни и научни активности перманентно одржува менторски часови кои се во функција на обезбедување максимална стручна и лична поддршка на студентите. Менторските часови ги реализира асс. м-р Ангела Миленковска која во соработка со студентите ги планира темите кои ќе бидат предмет на анализа и дискусија. Менторирањето има за цел на студентите да им го олесни процесот на учење и подучување во функција на стекнување со конкурентни компетенции. Практиката на УТМС е да се биде во постојана комуникација со студентите по однос на прашањата поврзани со редовноста на настава, методологијата на работа, изработката на семинарски трудови и презентации, како и анализата на постигнатите резултати. Во тој контекст асистентите се најважната алка во процесот на комуникација помеѓу студентите и професорите.