На Универзитетот за туризам и менаџмент во Скопје, денес, 01.02.2020 година, се одржа свечен академски час, со што беше одбележан почетокот на наставата за студентите запишани на втор циклус студии во академската 2019-2020 година.

Во Амфитеатарот на Универзитетот за туризам и менаџмент во Скопје, на студентите на посдипломски студии, им се обрати раководителот на посдипломски студии и декан на Факултетот за менаџмент на човечки ресурси на Универзитетот за туризам и менаџмент во Скопје, проф. д-р Александра Стоилковска. Во своето обраќање Раководителот на магистерски студии ги информираше посдипломците за престижната и препознатлива диплома во светски рамки, ја истакна посветеноста на наставниот кадар во реализацијата на квалитетна настава со примена на методологијата на студирање по кредит трансфер системот на Болоњската декларација, потенцирајќи дека универзитетот доследно го спроведува ЕКТС системот на студирање. Во понатамошното излагање, таа истакна дека за време на студирањето студентите ќе се стекнат со извонредни компетенции кои ќе им овозможат конкурентно и престижно напредување во професионалните кариери.

Потоа следуваше обраќање на проф. д-р Слободан Ивановиќ кој истакна дека студирањето на постидпомски студии е по највисоки меѓународни стандарди што на студентите ќе им овозможи да се стекнат со применливи знаења кои се потребни за успешно брендирање и позиционирање на пазарот.

По обраќање на раководителот на посдипломски студии, проф. д-р Александра Стоилковска, веб администраторот на студентите им го презентираше Е-студент, т.е. екстерниот портал од веб страната наменет за студентите преку кој ги добиваат сите информации во електронска форма, како и функционирањето на Е-библиотека. Потоа следуваше врачување на Е-индексите на студентите од страна на деканите на факултетите.

По завршувањето на свечениот час студентите од секој факултет имаа одделни средби со деканите на кои беа информирани за идни активности во академската 2019-2020 година.