Универзитетот за туризам и менаџмент во Скопје е високо-образовна институција која постојано ги промовира и афирмира најновите академски и бизнис практики во функција на високо ниво на компетентност на студентите. За таа цел гости предавачи беа експерти од International Youth Fellowship од Јужна Кореа кои пред студентите и вработените одржаа предавање на тема: Mind Education. Предавањето започна со констатацијата дека образованието базирано на знаење не може да ги промени срцата на младите затоа што не го познаваат доволно светот на срцето што претставува голема препрека во решавањето на проблемите. Затоа препораката не експертите беше дека за успех во животот и кариерата не е доволно да се научи и да се знае математика и други науки, туку уште од мали треба да го постават како висок приоритет учењето како да се дисциплинира срцето, т.е. да ја научат разликата помеѓу изолацијата и комуникацијата кај човекот. Самодисциплината придонесува за контролирање на емоциите и желбите кај личноста и доведува до баланс помеѓу умот и срцето. Тоа е учење кое ги промовира принципите на моќта, поврзаноста на умот и емоциите, менаџирањето на конфликти, креирањето на личната среќа како и трансформирањето на проблемот во решение, на неуспехот во успех.

Во текот на предавањето беа изведени перформанси во кои беа вклучени студентите со цел демонстирање на примена на ефективни техники за учење на самодисциплина кои придонесува за постигнување на успех во животот и кариерата. Фокусот на предавањето беше на развој на способности за размислување за учење во длабочина што овозможува баланс на логиката, т.е разумот и емоциите и влијае на економскиот просперитет, справување со глобалните предизвици кои ја намалуваат способноста на луѓето да мислат, креирање на свет на среќата и успехот.