Наставната програма по која што Факултетот за туризам ќе ја изведува наставата и полагањето на стручен испит за туристички придружник во Република Македонија, по кој кандидатите ќе се стекнат со уверение, произлегува од одредбите од член 18 и 19 (член 45-а) од Законот за изменување и дополнување на Законот за туристичка дејност (Сл. Весник бр. 89/2008).
Основна цел на обуката е создавање организациски, комуникациски вештини и вештини на презентирање, стекнување со знаења за царинските и банкарските работи, сообраќајните можности, основни знаења за најзначајните туристички региони во светот, природните ресурси и културното наследство во тие региони, туристички места во Република Македонија и усовршување на англискиот јазик.
Наставната програма што наставно-научниот совет на Факултетот за туризам-Скопје ја усвои, опфаќа пет одделни предмети, што по својата содржина се неопходни за квалитетна и добро осмислена настава и обука на кадри кои ќе работат во туристички сојузи, здруженија и агенции како туристички водичи за потреба на домашни и странски туристи.
Наставната програма ги содржи следните наставни предмети:
1. Туристичка географија
2. Културно наследство
3. Информативно-водичка служба во туризмот
4. Туризам и транспорт
5. Странски јазик
Потребни документи:
- Диплома заверена кај нотар
- Копија од државјанство
- Копија од извод од матична книга на родени
- Копија од лична карта
- Уплатница на сума од 20,000.00 денари