Универзитетот за туризам и менаџмент во Скопје во рамките на промотивната кампања за успис на студенти во академската 2018-2019 година реализираше презентација пред матурантите од СУГС „Здравко Цветковски” во Скопје. Дел од академскиот кадар на УТМС преку директен маркетинг ги претстави десетте уникатни причини кои се фокусирани на интерактивно учењето во функција на стекнување конкурентски компетенции. Преку мултимедијалната интеракција, матурантите ги следеа предностите на студирање на факултетите на универзитетот. Посебен интерес кај матурантите предизвика меѓународно признатата диплома, уникатната методологија и мерливоста на знаењата, апликативноста на теоријата во праксата, функционалноста на Центарот за кариера и Алумни клубот.