Академски тим од Универзитетот за туризам и менаџмент во Скопје во рамките на својата промотивна кампања за упис на студенти во академската 2018-2019 година, ги презентираше предностите за студирање на УТМС пред матурантите од СУГС „Димитар Влахов”. Матурантите интерактивно учествуваа со особен интерес за студиските програми на факултетите, методологијата на студирање, активностите на Центарот за кариера, како и Еразмус+ програмата. Платената пракса која ја нуди УТМС привлече огромно внимание кај матурантите.