Нашиот студентски караван денеска ги посети матурантите од СУГС „Марија Кири-Склодовска“, СУГС „Димитар Влахов“ и СУГС „Владо Тасевски“ од Скопје, со кои го прославивме Денот на карамелите. По презентацијата што ја одржавме пред нашите домаќини, разговаравме за десетте причини зошто да го изберат Универзитетот Скопје за продолжување на своето образование. Овој пат особено внимание на матурантите им привлече нашиот Факултет за менаџмент на човечки ресурси.

Работата е голем и важен дел од животот на секој човек, па оние што сакаат да се занимаваат со луѓето и со нивната благосостојба на работното место, може да ги изберат човечките ресурси за своја професија, им порачавме на нашите домаќини денеска. На Универзитетот Скопје ќе го добијат неопходното знаење за да успеат во оваа професија, зашто кај нас работат врвни професионалци во областа, по светска методологија и стандарди.

Затоа, секаде и секогаш порачуваме: ако сакаш да избереш знаење, успех и иднина, избери го Универзитетот Скопје!

Раните уписи се во тек!