Нашиот караван утрово ги посети АСУЦ „Боро Петрушевски“ и СЕТУ „Михајло Пупин“ во Скопје. По презентацијата што ја одржавме пред нашите домаќини, матурантите од овие училишта, разговаравме за десетте причини зошто да го изберат Универзитетот Скопје за продолжување на своето образование. И овој пат особено внимание на матурантите им привлече нашата методологија на работа, која ја интегрира практичната работа со студирањето.

Нашите наставно-научни практикуми и проекти во рамките на програмата Еразмус им овозможуваат на нашите студенти да стекнат меѓународно искуство во професијата што ја избрале. Тие дури можат да се вклучат и во деловните активности на Универзитетот, од прва рака да искусат што значи да се работи во високопрофесионална средина со вистински професионалци!

Ова се само некои од причините зошто Универзитетот Скопје е препознаен како лидер во високото образование. Затоа, на нашите домаќини денеска им порачавме да ни се придружат и да учат од најдобрите!

Запиши се на Универзитетот Скопје и ти! Раните уписи се во тек!