Во рамки на своите промотивни активности Универзитетот за туризам и менаџмент во Скопје продолжува со интересен и директен пристап кон својата публика. Со цел да и се доближи на публиката, УТМС во текот на претстојниот летен период ќе ги посети сите градови низ Македонија организирајќи го летниот караван. Оваа сабота (25.05.2019) токму на светскиот ден на виното, тимот од УТМС го посети Кавадарци. Во рамки на посетата Кавадарчани освен што дегустираа вино, добија и детални информации за факултетите, програмите, методологијата и условите за студирање. Заинтересираните средношколци добија и отворени покани за посета на Универзитетот.