Група матуранти од СУГС „Димитар Влахов” од Скопје го посетија Универзитетот за туризам и менаџмент во Скопје. За време на посетата беа детално запознаени со условите за студирање, академскиот кадар и програмите за студирање и можноста за работа во странство. Матурантите беа воодушевени од непосредноста на кадарот на УТМС, можностите за интернационализација за време и по студиите, дигиталниот систем за оценување и практичната работа која е дел од наставната програма. Преку интерактивен пристап од страна на академскиот тим на универзитетот, матурантите, ги добија сите потребни информации за спецификите на студиските програми на УТМС. Посебен интерес кај нив предизвика меѓународно признатата диплома, можностите за меѓународна размена на студенти преку Еразмус + програмата, како и реализацијата на практичната работа на студентите во странство.