Денес, 09.04.2019 година, матуранти од СУГС „Здравко Цветковски” го посетија Универзитетот за туризам и менаџмент во Скопје. По кратката презентација за можностите за студирање кои ги нуди универзитетот, особено внимание на матурантите им привлече платената пракса која е достапна и задолжителна за сите студенти. Современите услови за работа како и библиотеката на УТМС ги надминаа очекувањата на матурантите. Остварените средби со деканите, професорите и другите вработени им овозможија преку директни разговори да добијат темелни информации за современите трендови во високото образование.