Во рамките на промотивната кампања за упис на студенти во академската 2019-2020 година, академски тим од Универзитетот за туризам и менаџмент во Скопје ги презентираше предностите и методологијата за студирање на УТМС пред матурантите во средните училишта во Струмица, при што беа посетени гимназијата СОУ „Јане Сандански“, колеџ „Јахја Кемал“, СОУ„Димитар Влахов“, како и техничкото училиште СОУ„Никола Карев“.

Тимот од УТМС преку мултимедијалната презентација и интеракција со матурантите, ги истакна предностите на студирање на факултетите на универзитетот, а голем интерес кај матурантите предизвика меѓународно признатата диплома, уникатната методологија и мерливоста на знаењата, како и апликативноста на теоријата во пракса.