Во присуство на дел од дипломатскиот кор во РМ, како и други еминентни гости, во рамките на Генералното собрание на МОК, високо признание и за улогата на УТМС во подршката на спортот.

Претседателот на Македонскиот олимписки комитет Проф. Д-р Васил Тупурковски, на 21.03.2013, на Универзитетот за туризам и менаџмент Скопје, му додели специјална плакета за посебен придонес во афирмацијата и развојот на оваа спортска институција. Во името на Ректорот на УТМС, Проф. Д-р Аце Миленковски, плакетата ја прими Проректорот за наука и равој на Универзитетот, Проф. Д-р Сашо Кожухаров, кој забалагодарувајќи се пред присутните, истакна дека му преставува чест што УТМС ја добива оваа плакета, пред се, поради фактот што УТМС е еден од ретките Универзитети кој вложува во развојот на спортот и му посветува големо внимание, за што говори постоењето на Факултетот за спортски туризам.

Доделувањето на оваа плакета се случи во просториите на УТМС, каде се одржа и 22-то Генерално Собрание на Македонскиот олимписки комитет, кој воедно го прослави и својот дваесет и прв роденден. На оваа свеченост присуствуваа бројни гости, врвни и познати спортски работници, како и преставници на дипломатските преставништва во нашава земја, односно амбасадорот на Соединетите Американски Држави, г-дин Пол Волерс, амбасадорот на Обединетото Кралство на Велика Британија , г-дин Кристофер Ивон, како и високи преставници од амбасадите на Русија, Кина и Турција.

Инаку на изборното Собрание на МОК беше презентирана и безрезервната поддршка која Меѓународниот и Европскиот олимписки комитет му ја дава на МОК, пред се, со нови донации и програми, како новото транспортно возило за потребите на транспорт на спортистите, и три нови проекти во вкупна вредност од преку 100,000 американски долари.

Со овој чин е крунисана повеќегодишната одлична соработка меѓу УТМС и МОК, која има и свои конкретни резултати, како на пример, стипендирањето спортисти за студирање на УТМС, проектот на УТМС во рамките на Светската туристичка организација на Обединетите Нации (UNWTO) за спортски и адреналин туризам и многу други.