Гимназијата СОУ „Кочо Рацин“ од Велес каде присуствуваа и сите останати средни училишта од овој град, годинава по четврти пат организираше отворен ден на високообразовните институции во Република Македонија, кои пред матурантите ги претставуваат своите програми, начин и секако можности за студирање.

Универзитетот за туризам и менаџмент од Скопје и годината беше дел од оваа манифестација, каде пред матурантите ја престави својата методологија на работа, потоа програмите на петте факултети, односно Факултетот за туризам, менаџмент на човечки ресурски, меѓународен маркетинг менаџмент, Економскиот факултет и секако Факултетот за претприемаштво.

Заинтересираните матуранти од присутниот тим од Универзитетот за туризам и менаџмент од Скопје, односно Д-р Дејан Наковски, Асс. м-р Горан Апостоловски, Стефан Ристовски, Горан Каровски, Љупче Миленковски, Сузана Мурџева и Љупчо Миленков, имаа можност да се запознаат одблиску со начинот на работа на УТМС, при тоа дознавајќи повеќе информации за програмите што ги нуди оваа високо образовна институција.

Велешките матуранти беа заинтересирани за наставните програми и начинот на студирање на оваа институција. Покрај личните информации, матурантите од Велес дополнителни информации можеа да добијат и од пропагандниот материјал кој им беше поделен.