Универзитетот за туризам и менаџмент од Скопје, на библиотеката од гимназијата СОУ “Ѓорче Петров“ од Крива Паланка и донираше книги, односно пред се стручна литература која е во издание на Универзитетот.

Оваа донација е составен дел од повеќето настани со кои Универзитетот за туризам и менаџмент од Скопје ја одбележува својата десет годишнина од отворањето. По овој повод Др. Дејан Наковски од УТМС изјави “Ова е посебно значајна година за УТМС, бидејќи прославуваме мошне значаен јубилеј. Десет години посветеност на образованието, едукацијата на младите луѓе и секако на науката. Во оваа насока преку фондацијата „Проф. д-р Љубе Миленковски“ и секако преку издавачката дејност на УТМС со донацијата сакаме да го збогатиме библиотечниот фонд на гимназијата “Ѓорче Петров“ од Крива Паланка, и да овозможиме достапност на овие изданија за сите ученици и секако за наставниот кадар во училиштето“.

Во рамките на посетта беше потпишан и договор за соработка меѓу УТМС и СОУ “Ѓорче Петров“ од Крива Паланка, за кој како што сите се согласија е почеток на една долга и плодна соработка меѓу двете институции.